MotoGP Беларусь / Навіны Відэа Сезон-2008 Архіў Сябры Аб праекце

Валянціна Росі (Valentino Rossi) нарадзіўся 16 лютага 1979 года ў Урбіно (Італія). Ездзіць зараз пад нумарам «46». Па меркаваньні большасці крытыкаў, адзін з самых вялікіх гоншчыкаў планеты, твар MotoGP па ўсім сьвеце. Яго першым поспехам у «каралеўскім» класе MotoGP, які тады яшчэ быў 500-кубовым, стала перамога на Гран Пры Брытаніі ў 2000 годзе. На рахунку Росі больш подыўмаў (107), чым на рахунку любога іншага гоншчыка MotoGP за 58 гадоў існавання серыі, з іх 65 перамог у Гран Пры. Росі таксама зьяўляецца самым паспяховым гоншчыкам завадской каманды Yamaha за ўсю гісторыю яе існаваньня. Сваю кар’еру ў MotoGP Росі пачаткаў у 1996 годзе, калі ўпершыню выступіў у класе 125сс у Малайзіі. Валі адзін раз быў чэмпіёнам сьвету ў класе 125сс (1997 год, самы малады на той момант чэмпіён сьвету ў гэтым класе – 18 гадоў), адзін раз – у класе 250сс (1999 год, самы малады на той момант чэмпіён сьвету ў гэтым класе – 20 гадоў), і пяць раз – у «каралеўскім» класе (у 2001, 2002, 2003, 2004 і 2005 гадах). У класах 125сс і 250сс Росі выступаў на Aprilia. У 2000 і 2001 гадах, пяройдучы ў «каралеўскі» клас, Росі выступаў на Honda у камандзе Nastro Azzurro. У 2002 і 2003 – на Honda у камандзе Repsol Honda, з 2004 далучыўся да Yamaha.

Апошнія некалькі гадоў Валянціна жыў у Лёндане, аднак некаторы час назад перабраўся на радзіму ў Італію. Кар’ера Валі пачыналася дзякуючы яго бацьку Грацыяно Росі. Грацыяно Росі быў знакамітым гоншчыкам, але ўсё ж не такім сусветна вядомым і пераможным, як яго сын, лепшым выступам Грацыяно быў трэці вынік у 1979 годзе. Ён выступаў на байку Morbidelli, на яго рахунку ўвогуле 3 перамогі. У 1990 годзе Грацыяно патрапіў у аварыю, і гэта паклала канец яго кар’еры. Калі Валянціна было 10 гадоў, ён выступаў у картынзе. У 11-летнім узросце пачынае выступаць на мінібайке. У 1995 ён едзе ў Эўрапейскім першынстве як афіцыйны гоншчык Aprilia, і сканчае сезон на трэцім месцы. У тым жа самым годзе ён захоўвае сваю карону Італьянскага першынства ў класе 125cc, а год праз ужо выступае ў MotoGP – на Aprilia у камандзе Scuderia AGV.

Па сьцвярджэньні амерыканскага спартовага часопіса Sports Illustrated, Валянціна Росі па прыбытках сярод спартоўцаў займае 7 месца ў сьвеце, зарабляючы каля 30 мільёнаў даляраў у год.