Чэмпіён MotoGP пачаў двухдзённыя тэсты з дзейсным уладальнікам Кубку канструктараў Формулы 1 Ferrari. У першы дзень Валі праехаў 64 колы на апошняй вэрсіі італьянскага баліду F2008 па трэку ў Муджэло і паказаў найлепшы час 1′22.550, што саступае рэкорду мінулагодняга чэмпіёна Кімі Райканена ўсяго 1.5 сэкунды.

Як адзначыў сам італьянец, сур’ёзныя мэты на тэсты не ставяцца, а ганяецца ён выключна дзеля задавальненьня.

Валянціно Росі: “Шанцы таго, што я зьяўлюся ў Формуле 1 – блізкія да нуля. Два гады назад я сур’ёзна ацэньваў гэтую магчымасьць, але ўсвядоміў, што не магу завяршыць сваю кар’еру”.

Photo © Ferrari S.p.A.

Дырэктар каманды Rizla Suzuki MotoGP Крыс Дэнінг разглядае гэты год як пераходны і чакае лепшых вынікаў у наступным сезоне.

Крыс Дэнінг: “Для нас пара-тройка подыўмаў у сезоне - гэта не вынік! У пачатку года мы ставілі сабе задачу змагацца за месцы ў тройцы на кожным этапе. Матацыкл у нас быў нядрэнны, ды і гоншчыкі стараліся з усіх сілаў – аднак разрыў паміж імі і лідэрамі чэмпіянату ў выніку апынуўся вельмі вялікі. Гэта толькі з выгляду здаецца, што сэкунда адставаньня ад Валянціна Росі гэта глупства – на самой справе каб пераадолець гэтую сэкунду патрабуецца маса высілкаў і часу. Цяпер, у перыяд міжсезоньня, у нас ёсьць гэты час і сур’ёзная праца над матацыклам ужо ідзе поўным ходам – над такім матацыклам, які дапаможа нашым пілотам раскрыць свой патэнцыял на ўсе 100%. Пакуль што мы ўсё яшчэ на шляху да гэтага, але прыкладаем ўсё высілкі, каб наблізіць гэты момант як мага хутчэй: месцы ў канцы першай дзясяткі нас не ўладкоўваюць, мы хочам быць у тройцы!”

У 2009 годзе за каманду працягнуць выступаць Крыс Вермюлен і Лорыс Капіросі. Першыя тэсты падрыхтоўкі да новага сезону Suzuki правядзе ў сьнежні ў Аўстраліі.

Кэйсі Стоўнэр: “Большага я не мог і жадаць. Гэта быў вельмі складаны сезон, мноства ўзлётаў і падзеньняў. Я ўскладаю вялікую надзею на тэставаньне новага байка. Менавіта таму я працягваў ездзіць, а не лёг на аперацыю яшчэ да канца сезону. Ну а тое, што ў суботу нам атрымалася знайсьці добрыя наладкі, а потым настолькі добра падрыхтавацца да warm up і да ўласна гонкі – стала толькі дадатковымі плюсамі”.

Дані Пэдроса: “Стоўнэру вельмі часта атрымоўваецца граматна наладзіць матацыкл у кароткі час. У гонцы ён быў з-за гэтага крышачку хутчэй за мяне. Я гэтым расчараваны, таму што я жадаў перамагчы – усёткі як-ніяк родныя гішпанскія фанаты заўзелі за мяне. Але тым ня менш я рад таму, што я ізноў стабільна ў першых шэрагах пасля адчувальнага правалу ў сярэдзіне сезону”.

Валянціна Росі: “Нажаль, мы цалкам правалілі адзіную практыку на сухім асфальце. З-за гэтага я стартаваў з чацьвёртага шэрагу. Пасьля гэтага мы памянялі наладкі, і я выдатна стартаваў ужо на самой гонцы. Мне атрымалася хутка абыйсьці шмат гоншчыкаў, і ў выніку я быў не так далёка ад Дані. Я імкнуўся паднаціснуць, але нажаль, мы не былі ў 100% форме. Мы заўсёды змагаемся на гэтым трэку, і тым ня менш я рады, што сканчаю год на подыўме. Гэта быў вялікі сезон, убачымся ў наступным годзе!”

MotoGP. Гран Пры Валенсіі 2008. Рэзультаты гонкі

Што думаюць аб гонцы прызёры Гран Пры Малайзіі? Вашай увазе прэс-канфэрэнцыя трох лепшых гоншчыкаў па выніках гонкі.

Валянціна Росі: “Гонка праходзіла ў неверагодных умовах - стаяла жудасная сьпякота! Мне дапамагло тое, што ўзімку мы шчыльна папрацавалі з нашым Yamaha M1 на гэтым трэку і добра вывучылі яго павароты і асаблівасьці. Таксама пры падрыхтоўцы да гонкі камандзе ў гэты раз атрымалася падабраць выдатныя налады.

У пачатку заезду ў нас была яркая дуэль з Дані: я дагнаў яго, абагнаў і потым пачаў набіраць добры тэмп і перавагу. Хоць самымі цяжкімі апынуліся апошнія 5 колаў гонкі, калі я ўжо быў адзін наперадзе і проста павінен быў штампаваць хуткія колы. Мне таксама дапамагло і тое, што Дані зусім нядаўна перайшоў на Bridgestone і ў мяне цяпер больш досьведу з гэтымі покрыўкамі - таму я і йшоў крыху хутчэй. Гэта мая дзявятая перамога ў сезоне - наогул ён склаўся для мяне вельмі ўдала. Я шмат працаваў сёлета і цяпер у выдатнай форме.

Што да гонкі ў Валенсіі - гэтая траса не заўсёды была да мяне добразычлівай. Летась, калі вы помніце, я  зламаў руку і страціў другое месца ў чэмпіянаце. Я таксама ведаю, што Дані тамака будзе вельмі моцны, як гэта было летась, але ў любым выпадку буду імкнуцца. У выніку, іншым пілотам яна таксама перыядычна прыносіць сурпрызы!”

Дані Пэдроса: “Гэты ўік-энд пачаўся для мяне не лепшым чынам: на першай практыцы я быў толькі адзінаццатым. Але ўсе тры дні мы ўпарта працавалі і ў выніку, як бачыце, я другі. Другое месца ў такой гонцы - гэта вельмі нядрэнна, так што можна сказаць, што я задаволены.

У гэты раз Валянціна апынуўся мацней, прэсаваў. А калі абагнаў, то было складана за ім утрымацца. Хоць я і ведаў, што варта яму выйсьці наперад і ён пачне адрывацца. Трэба ўжо звыкнуцца да таго, што ў гонцы Валянціна едзе значна хутчэй, чым на практыцы, і рыхтавацца яшчэ больш дбайна. Тым не менш, у гэты раз мы фінішавалі побач, таму я рады такому прагрэсу на новым байку. Вядома, застаюцца яшчэ праблемы з наладкамі - але кожную гонку я еду ўсё хутчэй, і гэта важна. Калі ў наступнай гонцы мне атрымаецца праехаць яшчэ лепш, значыць мы рухаемся ў правільным накірунку.

Валенсія - для мяне асаблівае месца: тамака шмат маіх заўзятараў, шмат знаёмых прыходзяць падтрымаць мяне. Ды і проста ўсе гішпанцы, што прыйдуць на аўтадром у гэты дзень, вядома жадаюць бачыць поспехі гішпанскіх пілотаў. Таму спадзяюся, што мне атрымаецца праехаць годна і не расчараваць іх”.

Андрэа Довізіосо: “Я вельмі рады свайму першаму подыўму. Сёлета я сутыкнуўся з шэрагам праблем і цяжкасьцяў. Шмат разоў я ўшчыльную набліжаўся да тройкі, але ніяк не атрымоўвалася ў яе патрапіць. Але мы шмат працавалі і вынік, як бачыце, у наяўнасці. Гэты посьпех вельмі важны для маёй цяперашняй каманды JiR, бо ў будучым годзе я сыходжу ў HRC, і я рады прынесьці ім поспех у гэтым сезоне. З-за сьпякоты гонка была вельмі нялёгкай, але я імкнуўся на ўсё 100%. З майго пункта гледжаньня, такая жарышча - гэта наогул горшае надвор’е для пілота. Што да нашага двубоя з Нікі, то абагнаўшы яго, я наогул не аглядаўся, так што ўсю дарогу не ведаў, калі і дзе ён плануе распачаць контратаку, і чакаў у любы момант апошнія 4 колы”.

Росі здабыў ужо дзевятую перамогу ў гэтым сезоне, абагнаўшы па ходу гонкі ў Сепанге гішпанца Дані Пэдросу, які стартаваў з поўлу.

Гран Пры Малайзіі 2008. Рэзультаты гонкі

Гонка праходзіла ў цяжкі ўмовах і была скончана чырвонымі сьцягамі на 20 коле. Ізноў Росі не было роўных, і ён здолеў яшчэ далей адарвацца ад Стоўнэра ў барацьбе за тытул, які Валі ўжо практычна сабе забясьпечыў. Кампанію на подыўме італьянцу скалалі Нікі Хэйдэн і Хорхе Лорэнцо.

Валянціна Росі: “Магу сказаць, што ў горшых умовах, чым сёньня, мне выступаць яшчэ не прыходзілася за ўсю маю кар’еру ў матагонках. Траса невядомая, пакрыцьцё новае, дождж лье як зь вядра. У дадатак, бліжэй да канца заезду ўзмацніўся вецер, ды не проста ўзмацніўся, а стаў зганяць на трасу траву і ўсякае смецьце. Ён дзьмуў парывамі, і нельга было прадказаць, у які момант і адкуль прыйдзе наступны ўдар. Я, вядома, ехаў вельмі хутка нягледзячы ні на што, бо быў першым і лідэрства аддаваць не жадаў. Але бліжэй да канца ўжо з нецярпеньнем чакаў чырвоныя сьцягі на трасе і вельмі быў рады, калі іх нарэшце паказалі. Не памятаю, калі я ў апошні раз выйграваў чатыры гонкі запар, але гэта бясспрэчна кажа аб маёй добрай форме. Зараз будзем чакаць Гран Пры Японіі”.

Нікі Хэйдэн: “Мне наогул ужо няма чаго было губляць – вось я і гнаў. Байк ішоў па мокрым нядрэнна, прынамсі, пакуль воды было не так шмат. Я даволі доўга лідыраваў, чаму я вельмі рады: калі ўбачыў, што раптам перад мной нікога не засталося, не паверыў уласным вачам! Шкада, што Валянціна мінуў мяне ў выніку – але ён рэальна ехаў хутчэй у гэты раз. Я паспрабаваў, было, утрымацца ў яго на хвасьце – але ў той момант, калі траса падсохла, мы страцілі даволі шмат гумы, і яна ўжо не так добра спраўлялася з працай, калі паліло зноў. Хоць усё роўна я ехаў на мяжы магчымасьцяў: паставіў усё на карту і не пралічыўся! Жадаю сказаць дзякуй маім сябрам, камандзе і ўсім тым, хто балеў за мяне – надвор’іца выдалася не цукар, але ўсё роўна яны дайшлі каб падтрымаць мяне, і гэта вельмі прыемна”.

Хорхе Лорэнцо: “Гэта быў мой першы дажджавы подыўм у жыцьці. Нават у чэмпіянаце Гішпаніі мне не атрымоўвалася прыйсьці ў прызах па вадзе. Вядома, шчасьце было б поўным, калі б мне атрымалася мінуць Нікі – вецер відавочна тармазіў яго, ды і шыны, відаць, знасіліся, так што яшчэ адзін-два колы і другое месца было б ў мяне. Дзякуй Yamaha за падтрымку – у гэты раз на подыўме ізноў два яе пілоты, будзем і далей працягваць у тым жа духу!”

MotoGP 2008. Гран Пры Індыянаполіса. Рэзультаты гонкі.

Тры падзеньні у апошніх трох гонках амаль канчаткова перакрэсьлілі шанцы Стоўнэра  на захаваньне тытула: зараз каб дагнаць Доктара да канца сезону сапраўды прыйдзецца яго застрэліць, прычым у прамым сэнсе слова. Адрыў у 75 пойнтаў за пяць этапаў да фінішу чыста матэматычна яшчэ можна нагнаць, але практычна — нерэальна.

Кэйсі Стоўнэр: “Ужо на warm-up я адзначыў даволі слабае счапленьне маіх шын з трасай. Пасьля некалькіх колаў гонкі здавалася покрыўкі прыцерліся і ўсё йшло добра – ды мабыць не да канца. Вельмі маркотна, што так атрымалася: я выдатна пачаў гэты ўік-энд і йшоў вельмі хутка. Але, у любым выпадку, мае вынікі на трэніроўцы і кваліфікацыі, а таксама выдатны стан байка і гумы, усяляюць упэўненасьць, і я ўжо пачынаю наладжвацца на наступны сезон.

Што датычыцца маёй траўмы, то я быў вельмі зьдзіўлены і засмучаны, што гэтая праблема раптам нагадала аб сабе. Зараз прыйдзецца чакаць канца сезону і класьціся на аперацыю – цяпер гэтага зрабіць немагчыма з-за наступных гонак”.